Starv

Smiður til verkstaðið

19.12.24

Søkt verður eftir lastbila- ella entreprenørsmiði ella líknandi til verkstaðið at byrja skjótast gjørligt.

Verkstaðið tekur sær av øllum tekniskum og mekaniskum umvælingum, so sum viðlíkahald av bilum, entreprenørmaskinum, amboðum og øðrum, sum hoyrir til tekniska og mekaniska økið.

Starvsstaðurin verður á Hjalla 13, men tú fert eisini at arbeiða á verkætlanunum hjá J&K Petersen, sum eru kring landið. Tú verður partur av verkstaðs- og goymslutoyminum, sum telur 13 fólk, har tú eisini verður við í tilgongdini at uppbyggja og skipa eitt nýtt verkstað á Hjalla.

Um teg

Vit ímynda okkum, at tú ert útlærdur lasbilasmiður, entreprenørsmiður, maskinist, maskinsmiður, ella hevur aðra viðkomandi útbúgving ella tilsvarandi royndir, og at tú, sum persónur ert:

Álítandi
Væl skipaður
Arbeiðssamur og dugur at arbeiða sjálvstøðugt

Vit kunnu bjóða

Eitt starv við breiðum fakligum avbjóðingum
Førleikamennandi skeið
Løn sambært útbúgving og royndum

Søk starvið

Umsókn við prógvum skal sendast við telduposti til starv@jkp.fo.

Umsóknarfreistin er mikudagin 15. januar 2025, samrøður verða hildnar leypandi, og starvið verður sett skjótast gjørligt.

Um spurningar eru í samband við starvið, ert tú vælkomin at ringja til Anthonius Dalsgaard, verkstaðs- og goymsluleiðara, á telefon 585013, ella skriva til anthonius@jkp.fo.

Um J&K Petersen Contractors

J&K Petersen Contractors er entreprenørfyritøka, stovnað í 1975. Felagið er millum elstu entreprenørfyritøkur í landinum, og fæst við verklags- og betongarbeiði umframt bygnings-, tunla- og havnaarbeiði.

Umleið 150 fólk starvast hjá J&K Petersen, og hevur fyritøkan eisini J&K Betong um hendi.

FØROYSK BYGGING – FAKLIGUR STOLTLEIKI