Formaður til timburarbeiði
Vegna økt virksemi verður søkt eftir formanni til timburarbeiði.
Sum formaður á timburdeild okkara verður tú ein av lyklapersónunum á ymsum byggiverkætlanum kring landið.
Arbeiðsuppgávurnar eru fjølbroyttar, og tær fevna millum annað um fyrireiking og uppstart av timburarbeiðum. Sum formaður ert tú ein aktivur partur í byggiarbeiðinum, og saman við byggileiðsluni hevur tú eisini ábyrgd av, at uppgávurnar verða avhendaðar til avtalaða tíð.
Eisini skalt tú, í samstarvi við leiðsluna á plássinum, leiða og býta út arbeiðsuppgávur til starvsfólkahópin, sum fevnir um handverkarar, lærlingar og arbeiðsmenn
Vit vænta, at tú hugsar í praktiskum loysnum og ert drívandi megin á plássinum.
Førleikakrøv
Tú skalt vera útlærdur timburmaður, byggifrøðingur ella líknandi. Um tú hevur royndir sum formaður og er vanur at ganga undan, ert tú møguliga tann rætti til starvið.
Eisini verður væntað, at tú hevur neyðugan hugburð til trygd og burðardygd.
Tann, ið settur verður, skal hava koyrikort.
Vit kunnu bjóða:
– starv við breiðum fakligum avbjóðingum,
– møguleikar fyri fakligari menning og førleikamenning, og
– løn, ið samsvarar við útbúgving og/ella royndir.
Umsókn
Vilt tú vita meira um størvini, ert tú vælkomin at ringja til Fríða Reinert Djurhuus, verkætlanarleiðara, á telefon 585063 ella Regin Gaard Fossaberg, framleiðsluleiðara, á telefon 585088.
Umsóknin skal sendast til starv@jkp.fo.
Umsóknirnar verða viðgjørdar leypandi, og størvini verða sett sum skjótast. Freistin at søkja er fríggjadagin 30. mai 2025.
Um J&K Petersen Contractors
J&K Petersen Contractors er entreprenørfyritøka, stovnað í 1975. Felagið er millum elstu entreprenørfyritøkur í landinum, og fæst við verklags- og betongarbeiði umframt bygnings-, tunla- og havnaarbeiði.
Umleið 150 fólk starvast hjá J&K Petersen, og hevur fyritøkan eisini J&K Betong um hendi.
FØROYSK BYGGING – FAKLIGUR STOLTLEIKI
Onnur tíðindi
Súsanna okkara samskipari í burðardygd
Súsanna Vang Toftegaard er sett sum samskipari í burðardygd hjá J&K Petersen. Hon byrjar í ...
J&K Petersen staðfestir góðu gongdina
50 ára gamla føroyska byggifyritøkan, J&K Petersen Contractors, hevur annað árið á rað svør...
Sigtór í nevndini hjá Havnar Handverksmeistarafelag
Í farnu viku var aðalfundur og nevndarval hjá Havnar Handverksmeistarfelag, og Sigtór A. Peters...
Víðkan og umvæling av flogbreytini hjá Vága Floghavn
Mikudagin í farnu viku undirskrivaðu J&K Petersen og HJ Asfalt arbeiðstøkusáttmála við Vága...
Avhendingarskjal undirskrivað av byggiharra og høvuðsarbeiðstakara
Fyri løtu síðani skrivaðu Tórshavnar kommuna, byggiharri, og J&K Petersen, høvuðsarbeiðstak...
Nýggj heimasíða!
Í dag er nýggja heimasíðan hjá J&K Petersen tøk á netinum. Her á heimasíðuni ber eitt nú ti...
Produktiónslúka í Heygadali avhendað
Gamla produktiónslúkan, sum er gott 60 ára gomul, var í ringum standi og mátti skiftast, og som...
